Premchand

منشی پریم اپنی کہانیوں میں دیہی زندگی، طبقاتی کشمکش، غربت، استحصال اور اخلاقی اقدار جیسے موضوعات کو نہایت سادہ اور فطری انداز میں پیش کرتے ہیں۔ زیر نظر کہانی دو بیلوں کی ہےجن کے درمیان  ایک دوسرے کے لیے وفاداری اور دوستی کا جذبہ تھا۔  وہ اپنے مالک سے بھی بہت خوش تھےمگر ایک دن ان کی قسمت نے پلٹا کھایااور دونوں کسی اور کے ہاتھ لگ گئے، جہاں انہیں سخت مشقت میں جھونک دیا گیا۔ کیا وہ حالات سے سمجھوتہ کر گئے یا پھر اپنی آزادی کے لیے کوئی راہ نکالی؟ کیا ان کی دوستی قائم رہی اور دونوں نے اس مشکل وقت میں ایک دوسرے کا ساتھ دیا ؟آئیے ان بیلوں کا قصہ جاننے کےلیے کہانی پڑھتے ہیں ۔

Short Story

Urdu

Do Bail

منشی پریم چند دیہاتی زندگی سے محبت کرنے والے انسان تھے،خاص طور پر ان میں بسنے والے انسانوں سے۔زیر نظر کہانی میں حامد چار سال کا یتیم بچہ ہے جس کی پرورش اس کی بوڑھی دادی اپنی خودداری اور دعاؤں کے سائے میں کرتی ہے۔عید کے دن عیدگاہ جانے اور میلہ گھومنے کے لئے امینہ اپنے یتیم پوتے کو تین پیسے دیتی ہے۔میلے میں حامد کے  دوست کھانے کی چیزیں اور کھلونے خریدتے ہیں  مگر حامد کھلونوں کی بجائے ایک دست پناہ(چمٹا ) خریدتا ہے ۔ حامد نے ایسا کیوں کیا ؟ اس کے دوستوں نے جب اس کا مذاق اڑانا چاہا  تو  حامد نے کیا جواب دیا ؟ اس  کی دادی نے  دست پناہ دیکھ کر کیا کیا ؟ حامد کی عیدگاہ جانے کی روداد جاننے کے لیے آئیے کہانی پڑھتے ہیں ۔

Eid Gaah

منشی پریم چنداردو کے مشہور ناول نگار اور افسانہ نگار ہیں۔ ان کا اصلی نام دھنپت رائےہے، لیکن ادبی دنیا میں پریم چند کے نام سے مشہور ہیں۔ اردو ادب میں یہ ایک ایسا نام ہے جسے نظر انداز نہیں کیا جا سکتا۔زیر نظر کہانی میں  مصنف نے دو دوستوں کی شطرنج   کھیلنے کی  لت کے بارے میں بیان کیا ہے ۔ یہ نواب  واجد علی شاہ کا  زمانہ تھا ۔ لکھنو عیش و عشرت  کے رنگ میں ڈوبا ہوا تھا ۔ میر اور  مرزا صاحب  لکھنو کے رئیس زادے تھے ۔ دونوں سب کچھ بُھلائےہر وقت شطرنج کی بساط بچھائے بیٹھے رہتے نہ کھانے کا ہوش نہ گھر والوں کی خبر ۔ لیکن پھر ایسا کیا ہوا کہ دونوں ایک دوسرے کی جان کے دشمن ہو گئے؟آئیے میر اور مرزاصاحب کی دوستی کا انجام جاننے کے لیے  کہانی پڑھتے ہیں ۔

Shatranj Ki Bazi

پریم چند اردو اور ہندی دونوں زبانوں کے اک بڑے افسانہ نگار اور اس سے بھی بڑے ناول نگار سمجھے جاتے ہیں۔ ہندی والے انھیں’’اُپنیاس سمراٹ‘‘ یعنی ناول نگاری کا بادشاہ کہتے ہیں ۔زیر نظر کہانی  ان کے شاہکار افسانوں میں سے ایک  افسانہ ہے ۔ اس میں چہار جانب پھیلی بدعنوانی اور رشوت خوری کے درمیان ایک نوجوان(بنسی دھر ) کی فرض شناسی اور بدعنوان عدلیہ کی بہترین عکاسی کی گئی ہے۔ آئیے بنسی دھر کی کہانی پڑھتے ہیں۔

Namak Ka Darogha

پریم چند اُردو ادب کے وہ پہلے افسانہ نگار ہیں جنہوں نے اپنے افسانوں میں انسان کے مسائل کو اس کےدور، نفسیات، ضروریات، کمزوریوں، مجبوریوں  یعنی مکمل زمینی حقائق کے ساتھ پیش کیا۔آپ نے سماجی،مذہبی،معاشرتی،معاشی اقدار اور ان کے تحفظ اور مثبت طریقے سے اُن کی نشو و نما پر زور دیا۔زیر نظر کہا نی میں ایک ایسے کسان کا ذکر ہے جو آخری دم تک غربت سے لڑتا رہا ۔ شنکر ایک سیدھا سادا کسان تھا  کہ کھانا نہ ہونے پر بھی صبر شکر سے دن رات گزارتا ۔لیکن اگر  کبھی کو ئی مہمان آجاتا تواس کو اپنی بساط  سے بڑھ کر پیش کرتا۔ ایسے ہی ایک کسی مہمان کے لیے شنکر نے گاؤں کے پروہت سے سواسیر گیہوں ادھار لیے مگر کیسے وہ گیہوں اس کی ساری زندگی کا قرض بن گئے؟ شنکر کی غربت کی روداد جاننے کے لیے آئیے کہانی پڑھتے ہیں ۔

Savaa Ser gehuu

منشی پریم چند اردو کے مشہور ناول نگار اور افسانہ نگار ہیں۔ ان کا اصلی نام دھنپت رائے ہے، لیکن ادبی دنیا میں پریم چند کے نام سے مشہور ہیں۔پریم چند نے اپنے افسانوں اور ناولوں میں قومی زندگی کے بنیادی حقائق  کی ترجمانی کر کے اردو ادب کو نئے کردار، نئی فضا اور نئے ذائقے سے روشناس کرایا۔ وہ اپنے قارئین کو شہر کی روشن اور رنگین دنیا سے نکال کر گاؤں کی اندھیری اور بدحال دنیا میں لے گئے۔زیر نظر کہانی  میں دو کردار ’’جھینگر‘‘ اور ’’بدھو‘‘  دیہی فضا میں  انا، حسد اور تکبر جیسے جذبات  کو پالتے  ہیں اور ایک دووسرے کو اجاڑ دیتے ہیں ۔دونوں کو ان کے غرو ر و تکبر کا کیا صلہ ملا ؟ دیہی زندگی کے تاریک پہلوؤں کے متعلق جاننے کے لیے آئیے پڑھتے ہیں  ۔

Raah e Nijat

پریم چند کے افسانے نفسیاتی مطالعہ اور مشاہدہ پر ہیں۔ اس چیز سے پریم چند نے اس قدر کام لیا ہے کہ وہ ان کے طرز بیان کی ایک خصوصیت بن گئی ہے۔ مثلاً وہ جملوں میں جہاں تشبیہات کا استعمال کرتے ہیں تو انھیں نفسیاتی محسوسات کو کام میں لاتے ہیں۔زیر نظر کہانی میں مداری لال ڈسٹرکٹ بورڈ میں ہیڈ کلر ک تھا ۔اس کو ایک دن سرکاری خط موصول ہوا کہ  مسٹرسو  بودھ چندر  کو  بورڈ کا سیکریٹر ی تعینات کیا گیا ہے ۔ جب سوبودھ دفتر آیا تو اس  کا تمام  دفتر والوں کے ساتھ رویہ  کیسا تھا ؟ مسٹرسوبودھ سے مداری لال کی پچھلی جان پہچان تھی ۔  مداری لال کیوں سوبودھ  سے حسد کرتا تھا ؟ اس حسد میں آکر مداری لال نے سوبودھ کے ساتھ کیا کیا ؟ وہ ساری عمراپنی  کس غلطی   کی تلافی کرتا رہا  اور کیسے ؟ سوبودھ چندر کی شخصیت کے بار ے میں جاننے کے لیے پڑھیے ۔

Prayashchit (Talafi)

ایک بار ڈاکٹر چڈھا کے گھر شام میں ایک بوڑھا آیا ۔ اس کا بیٹا بیمار تھا لیکن ڈاکٹر کے  کھیلنے کا وقت ہو رہا   تھا۔ ڈاکٹر نے اس کو نہیں دیکھا ۔ اس بوڑھے کا بیٹامر گیا ۔ کچھ دنوں  بعد  ڈاکٹر کو اس بو ڑھے کی مدد چاہیے تھی۔ کیا اس نے ڈاکٹر کی مدد کی ؟ڈاکٹر کے بیٹے کا کیا ہوا تھا ؟کیا ڈاکٹر کا بیٹا بھی مر گیا ؟یہ سب جاننے کے لیے کہانی پڑھیں ۔

Premchand

Sign Up for the Latest