Ehya Education Services

احیا ایجوکیشن سروسز تعلیم کے میدان میں روبہ عمل ایک ادارہ ہے  جو ہر کتا ب  پر کام شروع کرنے سے پہلے تفصیلی تحقیق کرکے درست تجزیہ کرنے کی کوشش کرتا ہے کہ اس مضمون میں اس عمر کے بچے کو کیا پڑھانا مقصود ہےاور مروجّہ کتب میں کن کن پہلوؤں سے صرفِ نظر کیا جا سکتا ہے ۔ اس سلسلے میں  ادارے نے بہت محنت سے  سائنس کی یہ کتاب  ترتیب دی   ہے۔پہلی جماعت کے طلباء (۶سے۷ سال ) کے لیے  کتاب  کے مختلف ابواب ترتیب دئیے گئے ہیں  ۔ کتاب میں طلبہ کی دلچسپی کو برقرار رکھنے کے لیے مضامین کو نہایت بہترین انداز میں تحریر کیا گیا ہے۔اس بات کی مکمل کوشش کی گئی ہے کہ طلبہ اپنی ذہنی اور تخلیقی صلاحیتوں کو بروئے کار لاتے ہوئے مختلف سرگرمیاں خود  حل کر سکیں۔  کتاب کا مقصد طلبہ کو  بنیادی سائنسی نظریہ  سے روشناس کروانا ہے  جیسے کہ حواس خمسہ کیاہیں ؟جسم کے حصے اور ان کے افعال کیا کیاہیں ؟جانوروں اور پودوں میں کیا فرق ہے؟ یہ سب جاننےکے لیے آئیے اس دلچسپ کتاب کو پڑھتے ہیں ۔

Textbooks

Urdu

General Knowledge (General Science) Grade 1

بچوں کا اچھاادب اردو میں پہلے بھی زیادہ  موجود نہیں تھا لیکن گزشتہ دہایئوں میں صورتحال مزید تنزل کا شکار ہو چکی ہے ۔لیکن ابھی کچھ ادارے ایسے ہیں جو اپنی کاوشوں سے اس کمی کو پورا کرنے کی کو ششوں میں سر گرداں ہیں ۔احیا ایجوکیشن سروسز اس ضمن میں قابلِ ذکر ہے ۔تیسری جماعت (۸سے۹سال تک)کی کتاب میں  بچوں کی عمر  کو مدِنظر رکھتے ہوئے اسباق لکھے گئے ہیں ۔ ایسی سرگرمیاں اور مشقی سوالات شامل کیےگئے  ہیں جن کو طلبا دلچسپی کے ساتھ حل کر سکیں ۔ کتاب کے اسباق  کو محض موضوعات کی خانہ پری کرنے کی بجائے انہیں بچے کی دلچسپی کے مطابق اور ادبی اسلوب میں ڈھالنے کی سعی کی  گئی ہے تاکہ بچوں  میں زبان سیکھنے کے ساتھ ساتھ اردو ادب سے محبت اور لگاؤ کا بھی احساس پیدا ہو ۔

Ehya-e-Urdu Grade 3

عام طور پر کتابوں میں بچے کو نسبتاً ثقیل اور خشک مضامین پڑھنے کو ملتے ہیں جس کی طرف دلچسپی پیدا ہونا چھوٹی عمر کے بچوں کے لیے ممکن ہی نہیں ۔اگر کتاب میں بچے کو متوجہ کرنے کی صلاحیت نہیں تو کتاب کسی صورت زبان سکھانے کے کام نہیں آسکتی۔ اسی آدرش کو مد نظر رکھتے ہوئے احیا ایجوکیشن سروسز نے معیاری درسی کتب کی تیاری  کا بیڑہ  اٹھایا ہے۔اس کا مقصد بچوں کو نہ صرف اردو زبان سکھانا بلکہ اردو زبان سے جوڑے رکھنا بھی ہے ۔دوسری  جماعت (۷ سے ۸ سال تک )کے طلبا کے لیے تالیف شدہ کتاب میں اردو کی کچھ اصناف کا تعارف کرایا گیاہے ۔طلبا کی دلچسپی قائم رکھنے کےلیے   کتاب میں کہانیاں بھی شامل کی گئی ہیں ۔کیونکہ بچپن میں سب سے زیادہ متوجہ کرنے  والی چیز ’’کہانی‘‘ ہوتی ہے جو نہ صرف بچے کے لیے دلچسپی کاسامان لیے ہوتی ہے  بلکہ اس کے تخیل کی آبیاری بھی کرتی ہے ۔کہانیوں کے علاوہ کتاب میں نظمیں ،پہیلیاں اور مضامین بھی  شامل کیے گئے ہیں۔

Ehya-e-Urdu Grade 2

احیا ایجوکیشن سروسز تعلیم کے میدان میں روبہ عمل ایک ادارہ ہے جو  اپنی تہذیبی روایت سے جڑے  ہر رنگ  کو اپنا سمجھتا ہے اور تعلیمی مقاصدکا تعین ازسر نو        انھیں  پیمانوں  پر کرنا چاہتا ہے جو ایک ہزار  برس تک ہماری عظمت کے ضامن رہے اور جن کا حصول آج بھی  ہمیں  پستیوں سے نکالنے کا ایک لائحہ عمل ہے ۔اس سلسلے میں  ادارے نے طلبا ء کی اردو زبان کی صلاحیت اور استعداد کو بڑھانے کے لیے بہت محنت سے  اردو کے اسباق ترتیب دیے  ہیں ۔پہلی جماعت کے طلباء (۶سے۷ سال ) کے لیے  کتاب کو  تین سہ ماہی میں   تقسیم کیا گیا ہے۔ خصوصاً پہلی سہ ماہی میں بچوں کو حروف تہجی کی مددسے الفاظ  بنا نا اور لکھنا  آسان اور مؤثر انداز میں بتایا گیا ہے ۔اس کتاب میں بچوں کے لیے  دلچسپ اور آسان فہم کہانیاں اور نظمیں شامل کی گئی ہیں تاکہ  بچوں میں زبان سیکھنے کے ساتھ ساتھ اردو ادب سے محبت اور لگاؤ کا احساس بھی پیدا ہو۔ ہر سبق کی تفہیمی  مشق اس طرح بنا ئی گئی ہے کہ  بچہ اپنی تخلیقی صلاحیتوں کو بروئے کار لاتے ہوئے ان کو حل کر سکے۔اس کتاب کا مقصد اردو کو بطور زبان سکھانا ہے ۔

Author Name: Ehya Education Services

Sign Up for the Latest
Books & Updates!

Author Name: Ehya Education Services

Sign Up for the Latest Books & Updates!

Sign Up for the Latest
Books & Updates!