Islamiyat Grade 7 (UM)

اسلامیات کی تعلیم ناصرف ہماری قومی شناخت کے لیے ناگزیر ہے بلکہ ایک دینی فریضہ بھی ہے۔ اسلامیات کی کتابیں بالعموم معلومات کا ذخیرہ تو ہوتی ہیں لیکن ان کتب میں طلبہ کو دین سکھانے اور اس پر عمل پیرا ہونے کی ترغیب نہیں دی جاتی۔ ایک معیاری اسلامیات کی کتاب مرتب کرتے وقت اس امر کو پیشِ نظر رکھنا چاہیے کہ وہ طلبہ میں مثبت اندازِ فکر پیدا کرے اور اُن کے اذہان میں دین کے حوالے سے پیدا ہونے والے سوالات اور ابہام کو مؤثر انداز میں رفع کر سکے۔ احیا ایجوکیشن سروسز نے ان مسائل کو حل کرنے کے لیے ایسی کتب تشکیل دی ہیں جو ناصرف اُسلوب کے اعتبار سے جدت رکھتی ہیں بلکہ طلبہ میں تخلیقی صلاحیتیں اُجاگر کرنے میں اہم کردار ادا کرتی ہیں ۔یہ کتاب روایتی اسلامیات کی کتب سے منفرد اور جدید تعلیمی تقاضوں کے اعتبار سے ممتاز ہے۔ اس کی ترتیب میں طلبہ کی عمر، ذہنی استعداد اور فہم کی سطح کو خصوصی اہمیت دی گئی ہے ۔ اس کتاب کا مقصد محض اسلامی معلومات میں اضافہ نہیں بلکہ بنیادی تصورات کی واضح تفہیم ، ذہن میں موجود ابہامات کا ازالہ اوردینی معلومات کا بامعنی ادراک پیدا کرنا ہے۔اس ضمن میں ایمانیات، عبادات ، سیرتِ نبوی ، انبیا کرام علیھم السلام اور عصرِ حاضر کے تقاضوں کے مطابق اسلامی تعلیمات کے مختلف پہلوؤں سے متعلق موضوعات کو ساتویں جماعت کے طلبہ کے لیے دلچسپ اور منفرد انداز میں پیش کیا گیا ہے تاکہ اسلامیات کی کتاب کا مقصد محض پڑھنا اور رٹا لگانا نہیں بلکہ سمجھنا، غوروفکر کرنا اور ان تعلیمات کو عملی زندگی میں اپنانا ہو۔اسی طرح کوشش کی گئی ہے کہ نصابی سوالات اور سرگرمیاں حافظے کی جانچ کی بجائے طلبہ میں تنقیدی سوچ اور فہم و ادراک پیدا کرنے میں معاون ثابت ہوں اور متعین تعلیمی نتائج کے حصول کو یقینی بنائیں۔