Allama Rashid ul Khairi

علامہ راشد الخیری اردو کے مشہور ادیب، ناول نگار اور صحافی تھے جنہیں ’مصورِ غم‘ کہا جاتا ہے۔ دہلی سے تعلق رکھنے والے راشد الخیری اپنی سادہ اور پراثر تحریروں کے ذریعے معاشرتی اصلاح اور اسلامی اقدار کے فروغ میں پیش پیش رہے۔ ان کی تحریریں خاص طور پر مسلم خواتین کے مسائل اور حقوق کو اجاگر کرتی ہیں۔آمنہ کا لال ایک اسلامی تاریخی کتاب ہے جو حضرت محمد مصطفیٰ ﷺ کی زندگی کے اہم واقعات پر مشتمل  ہے۔ اس کا مرکزی موضوع رسول اللہ ﷺ کی شخصیت، ان کی تعلیمات اور  سیرت و کردار ہے  ۔ پانچویں حصے میں نبی کریمﷺ  کی مدنی زندگی کے  چیدہ چیدہ واقعات   بیان کیے گئے  ہیں  ۔ آئیے حضور پاکﷺ کے حسنِ اخلاق،ازدواجی زندگی ،حقوق ِنسواں کی حمایت ا ور آپﷺ  کے حق میں اغیار کی گواہیاں جاننےکے لیے یہ کتاب پڑھتے ہیں ۔

Islamic

Urdu

Aamina Ka Laal Part 5

نبئ کریمﷺ کی سیرت کا مطالعہ کرنا ہمارے ایمان کا حصہ بھی ہے اور حکمِ ربّانی بھی۔ قرآن مجید نبئ کریمﷺ کی حیاتِ طیبہ کو ہمارے لیے کامل نمونہ قرار دیتا ہے۔بعثت سے قبل آپ ﷺکی چالیس سالہ زندگی بھی ہمارے لیے مشعلِ راہ ہے۔ اس زندگی میں آپﷺ نے اخلاق کا اعلٰی نمونہ پیش کیا۔ کتاب کے حصہ چہارم میں پہلی وحی کے نزول سے ہجرتِ مدینہ  تک کے واقعات مختصراً بیان کیے گئے ہیں۔اعلانِ نبوت سے قبل آپﷺ غارِ حرا  میں قیام و مراقبہ اور ذکر وفکر کے طور پر اللہ کی عبادت میں مصروف رہتے، جب  جبریلؑ  وحی لے کر نازل ہوئے۔ پہلی وحی کے بعد نبوت کا سلسلہ شروع ہوا۔ابتدائی تین سال تک  خاموشی اور رازداری  کے ساتھ دینِ اسلام کی دعوت دی گئی۔اس دور میں  آپﷺ کے چچاابو طالب اور حضرت خدیجہ ؓنے آپﷺ کا بھرپور ساتھ دیا۔جب اہلِ مکہ کی ظلم و زیادتی بڑھ گئی تو اللہ کی طرف سے ہجرتِ مدینہ کا حکم آیا۔چنانچہ آپﷺ حضرت ابو بکرؓ کی معیّت میں مدینہ روانہ ہو گئے۔ نبئ کریمﷺ کی حیاتِ مبارکہ کے ان واقعات کے متعلق جاننے کے لیے آئیے پڑھتے ہیں۔

Aamina Ka Laal Part 4

کتاب کے اس حصے میں حضورﷺ کی  شیر خوارگی کے متعلق بیان کیا گیا ہے۔دستور کے مطابق عرب کے شہری اپنے بچوں کو امراض سے دُور رکھنے  اور بہترین  پرورش کے لیے بدوی  عورتوں کے حوالے کر دیتے تاکہ  اُن کے جسم اور اعضا مضبوط ہوں اور  وہ خالص عربی سیکھ سکیں۔آپ ﷺ کی رضاعت و پرورش کی ذمہ داری حضرت حلیمہ سعدیہ کے سپرد کی گئی جو اُنھوں نے نہایت خوش اسلوبی سے سر انجام دی۔ چونکہ آپ ﷺ پر انسانی رہبری کے لیے وحی الٰہی کا نزول ہونا تھا اور آپ ﷺ کے ذریعےلوگوں تک ہدایت  پہنچا کر آپﷺ کی سیرت کو اُسوہ بنانا تھا، اس لیے اللہ عزوجل نے آپ ﷺ کی زندگی کو ہر بُرائی سے پاک رکھا۔ نبوت سے پہلے بھی بچپن اور جوانی میں گناہ و معصیت والے اعمال و افعال سے آپ ﷺ محفوظ رہے۔ آپ ﷺ کے بچپن اور شباب کے  واقعات کے متعلق مختصراً جاننے کے لیے  آئیے پڑھتے ہیں۔

Aamina Ka Laal Part 3

آمنہ کا لال حصہ دوم میں علامہ راشد الخیری  کے اُسلوب کی چستی اور شگفتگی، بیان کی روانی  اور برجستگی جھلکتی ہے۔ مصنف بیان کرتے ہیں کہ  آپ ﷺکے وجود سعود سے پوری دنیا میں نورِ حق پھیلا  اور کفر و باطل کی تاریکیاں چھٹ گئیں۔ علامہ راشد الخیری  نہایت عقیدت و محبت سے حضورﷺ کے فضائل و شمائل، خصائص، نسبی طہارت، نورانی ولادت اور دیگر اوصاف و کمالات  کا تذکرہ کرتے ہیں۔ خاص طور پر اس مبارک ساعت  کاجب آپﷺ کی آمد ہوئی، جس نے دنیا میں تغیر پیدا کر دیا۔ آپ ﷺ کے  دادا  ،عبد المطلب کی خوشی کا کوئی ٹھکانہ نہ تھا۔ اُنھوں نے ہی آپ ﷺ کا اسمِ گرامی محمؐد رکھا۔ اس ساری کائنات پر آپﷺ کے احسانات  نصف النہار کے سورج کی طرح عیاں ہیں۔ آئیےعقیدت و محبت سے مزین  یہ تحریر پڑھتے ہیں۔

Aamina Ka Laal Part 2

علامہ راشد الخیری کا اصل نام محمد الراشد تھا مگر راشد الخیری کے نام سے  مشہور  ہوئے۔ آپ نہ صرف ایک کامیاب ناول نگار، ہمدرد نسواں  اور مصلح قوم تھے بلکہ ایک بلند پایہ مؤرخِ اسلام اور فلسفی  بھی تھے۔ علامہ راشد الخیری کے ناولوں اور افسانوں  کا غور سے مطالعہ کریں  تو معلوم ہو گا کہ اُنھوں نے حیاتِ انسانی کے متعلق اس قدر حکیمانہ نکتے بیان کیے ہیں کہ اُن پر عمل درآمد سے یقیناً نجات حاصل کی جا سکتی ہے۔ زیرِ نطر  کتاب’’آمنہ کا لال‘‘  حضورﷺ کی سیرت نگاری پر مشتمل ہے جس میں آپؐ کی  حیاتِ مبارکہ اور معجزات کا احاطہ کیا گیا ہے۔کتاب کے اس پہلے حصے میں علامہ نہایت پُر اثر انداز میں حضور ﷺ کی آمد سے قبل عرب کی حالتِ زار بیان کرتے ہیں کہ وہ سرزمین جو انبیا کا گہوارہ تھی، اب گمراہی نے وہاں نیک و بد کی تمیز اُٹھا دی تھی اور ہر سُو جہالت  چھائی تھی حتٰی کہ وہ ساعت آن پہنچی جب حضرت ابراہیم علیہ السلام کی دعا کا ظہور ہوا۔ پھر مختصراً  حضورﷺکے خاندان کے متعلق بتایا گیا ہےکہ آپ ﷺکے آباؤاجداد کو مذہبی، سماجی، سیاسی اور معاشرتی لحاظ سے پورے عرب میں ادب و احترام کی نگاہ سے دیکھا جاتا تھا۔ اس  حوالے سے مزید معلومات حاصل کرنے کے لیے آئیے پڑھتے ہیں۔

Allama Rashid ul Khairi

Sign Up for the Latest