Aamina Ka Laal Part 3

کتاب کے اس حصے میں حضورﷺ کی شیر خوارگی کے متعلق بیان کیا گیا ہے۔دستور کے مطابق عرب کے شہری اپنے بچوں کو امراض سے دُور رکھنے اور بہترین پرورش کے لیے بدوی عورتوں کے حوالے کر دیتے تاکہ اُن کے جسم اور اعضا مضبوط ہوں اور وہ خالص عربی سیکھ سکیں۔آپ ﷺ کی رضاعت و پرورش کی ذمہ داری حضرت حلیمہ سعدیہ کے سپرد کی گئی جو اُنھوں نے نہایت خوش اسلوبی سے سر انجام دی۔ چونکہ آپ ﷺ پر انسانی رہبری کے لیے وحی الٰہی کا نزول ہونا تھا اور آپ ﷺ کے ذریعےلوگوں تک ہدایت پہنچا کر آپﷺ کی سیرت کو اُسوہ بنانا تھا، اس لیے اللہ عزوجل نے آپ ﷺ کی زندگی کو ہر بُرائی سے پاک رکھا۔ نبوت سے پہلے بھی بچپن اور جوانی میں گناہ و معصیت والے اعمال و افعال سے آپ ﷺ محفوظ رہے۔ آپ ﷺ کے بچپن اور شباب کے واقعات کے متعلق مختصراً جاننے کے لیے آئیے پڑھتے ہیں۔